SMP Negeri I Mungkid sudah menerapkan kurikulum 13 untuk semua mata pelajaran termasuk mata pelajaran Bahasa Jawa. Salah satu kompetensi dasar kelas 9 semester 2 ada KD 4.2 Menulis dan membaca geguritan.
Beberapa hasil geguritan peserta didik sebagai berikut.

Cilikanku

Dening: Sherli Maharani Puspita S

Nalika sikil iki durung mantep tumapak ing bumi

Alon-alon jumangkah kanthi thimik-thimik

Eseme ibu sumringah sinambi nggandheng lakuku

Keprungu keplok –keplok lan gumuyunig  kakangku

Kanthi waspada bapak siyaga

Nalika raga ora kuwat nyangga

Dina-dina kang endah

Kebak pepenginan  tanpa angon wektu

“ pokoke dolanan” panjalakku

Sangang taun  kapungkur

Isih daksimpen ing memori

Alun-alun Ngayogyakarta dadi seksi

Gelembung sabun kasil  ana ing tangan

Saben minggu tukang becak ngeterake aku

Nyawang edahing  Malioboro

Sinambi ngombe es nira

Album iki nggawa seksi

saiki gumuyuning kulawargaku arang keprungu

Wektu terus lumaku

Akehing gaweyan njalari kahanan  dadi kaku.

 

Sekolahanku

Dening : Cahya Ningsih

Telung taun ing sekolah iki

Akeh pengalaman kang wis dakregem

Telung taun ing sekolah iki

Sekolah kang ngladhi

Kedhisiplinan

Kesabaran

Ketlatenan

Keyakinan

Kabeh madhangi donyaku

Murih luwih becik

 

Guruku

Dening Aulia Riyanti

Guru

Panjenengan kang dadi pepujanku

Paring ilmu ora nyawang wektu

Guru

Pituturmu tansah dakeling

Paring ilmu ora bakal daklalekake

Guru

Sabarmu tansah daktiru

Kesele ragamu ndadekna aku sregep sinau

Guru

Digugu  lan ditiru

Ora ditinggal turu apa maneh digeguyu

Guruku

Digugu pituture lan ditiru tindak tanduke

Nanging kasunyatane

Guruku

Ora ana piwales sing bis nandhingi

Aku mung bisa matur agunging  panuwun

Wujud ikhlasing ati